Սեբաստացիները «Բիոգազ» գործարանում

 Այսօր՝ նոյեմբերի 28-ին, մի խումբ կենսաբաններ ուղեւորվեցին «Բիոգազ» գործարան, որը միակն է ամբողջ Կովկասում:

Պարզվում է, որ սովորական օրգանական մնացորդները՝ գոմաղբը, ոչ պիտանի բանջարեղենն ու մթերքները որոշակի պայմաններում կարող են վերածվել վառելիքի, որը կարելի է օգտագործել ջեռուցման, տաք ջուր ունենալու եւ կերակուր պատրաստելու համար գյուղական պայմաններում: Բոլորս

գիտենք, որ նավթի պաշարներն անսպառ չեն, եւ ոչ միշտ է հնարավոր դրանց օգտագործումը, իսկ օգտագործման դեպքում առաջանում են բազմաթիվ էկոլոգիական խնդիրներ: Բիոգազի դեպքում զգալիորեն բարելավում է տարածքի սանիտարային վիճակը, ոչնչացվում են տարբեր ախտածին մանէներ, թռչնի գրիպ առաջացնող մանէները, անհետանում է գոմաղբի եւ նեխող բույսերի հոտը: Որպես վերջնական արդյունք ստացվում է նաեւ օրգանական պարարտանյութ, որը ունի հումուսային պոտենցյալ:
Բիոգազը ստացվում է անաէրոբ պայմաններում, մեթանային խմորում առաջացնող բակտերիաների միջոցով: Այս մեթանային խմորման արդյունքում ստացված բիոգազը
ունի հետեւյալ քիմիական բաղադրություն՝ 50-80% մեթան, 20-50% CO₂ գազ, 1% H₂S(ծծմբաջրածին) եւ որոշ

քանակությամբ այլ գազեր՝ ազոտ, ջրածին, ամոնիակ եւ այլն:    Մեթանային խմորումը կատարվում է երկու խումբ միկրոօրգանիզմների բջջապատը, սպիտակուցներն ու ճարպերը՝ առաջացնելով CO₂, քացախաթթու, մրջնաթթու, պարզ սպիրտներ եւ տարբեր ճարպաթթուներ: Այս՝ ավելի պարզ օրգանական միացությունները՝ երկրորդ 

բակտերիաների խումբը, որոնք մեթան առաջացնող բակտերիաներ են, վերածում են մնացորդները մեթանի: Այսինքն առաջին խումբ բակտերիաները բարդ օրգանական միացությունները՝ բջջապատը, սպիտակուցներն ու ճարպերը վերածում են ավելի պարզ միացությունների՝ CO₂, քացախաթթու, մրջնաթթու, պարզ սպիրտներ եւ տարբեր ճարպաթթուներ: Երկրորդ խումբ բակտերիաները վերոհիշյալ միացությունները վերածում են մեթանի, ածխաթթու գազի եւ այլն: Այս բարդ պրոցեսի ընթացքում մասնակցում են մոտ 1000 տեսակի տարբեր միկրոօրգանիզմներ, բայց մենք նշել ենք ընդհամենը երկու տեսակը: Այս կարեւոր երկու տեսակ միկրոօրգանիզմները բնության մեջ հանդիպում են ամենուրեք, մասնավորապես գոմաղբի մեջ: Ստացված մեթանը մղում են դեպի գեներատորներ, որոնցում արտադրվում է էլեկտրական հոսանք: Պրոցեսի արդյունքում ստացված մնացորդները չորացնում են եւ օգտագործում որպես պարարտանյութ:գործունեության

արդյունքում:
Գործարանը ստեղծվել է դանիացիների օգնությամբ 2008թ. եւ կառուցվել է մեկ տարում:
Այս ուսումնական ճամփորդությունը նախագծային, ծրագրային , եւ  միջառարկայական բնույթի է: Այն  ընդգրկում է գիտելիքներ կենսաբանությունից, քիմիայից, ֆիզիկայից եւ էկոլագիայից:
Նաեւ հարցազրույց վերցրեցինք գործարանի երիտասարդ փոխ-տնօրենից՝ Պարոն Գեղամից, ով քիմիական գիտությունների թեկնածու է:
Պատրաստեց՝ Անի Գասպարյանը
Խորհրդատու ՝ Անահիտ Մեժլումյան